.jpg)
చిరిగిన పంచె, చిరిగిన చొక్కా ధరించిన ఒక వ్యక్తి తన 15-16 సంవత్సరాల కుమార్తెతో ఒక పెద్ద హోటల్‌కు వచ్చాడు. ఇద్దరు కుర్చీపై కూర్చోవడం చూసి, ఒక వెయిటర్ రెండు గ్లాసుల చల్లటి నీటిని వారి ముందు పెట్టి అడిగాడు మీ కోసం ఏమి తీసుకురావాలి అని?.
ఆ వ్యక్తి ఇలా అన్నాడు...
జిల్లాలో 10వతరగతిలో మొదటి స్థానం వస్తే,నగరంలోని అతిపెద్ద హోటల్ దోశ తినిపిస్తాను అని మా అమ్మాయికి వాగ్దానం చేశాను.
మా అమ్మాయి అయితే తన వాగ్దానాన్ని నెరవేర్చింది. కనుక దయచేసి తన కోసం ఒక దోశ తీసుకురండి' అని అతను అడగడం జరిగింది.
'మీ అమ్మాయికైతే ఒక దోశ చెప్పారు.... మరి మీకేమి కావాలి అని అతన్ని వెయిటర్ అడిగాడు ?
అతను కొంచెం బాధాతత్వ హృదయంతో ఇలా అన్నాడు. నా దగ్గర ఒక దోశకి సరిపడ్డ డబ్బే మాత్రమే ఉంది. కాబట్టి ఇంక నాకేమి వద్దు'!
విషయం విన్న తర్వాత వెయిటర్ బాధపడి యజమాని వద్దకు వెళ్లి జరిగింది చెప్పాడు."నేను వీళ్ళిద్దరికి కడుపు నిండా భోజనం పెట్టాలని అనుకుంటున్నాను. ఇప్పుడు నా దగ్గర డబ్బు లేదు, కాబట్టి మీరు వారి బిల్లు మొత్తాన్ని నా జీతం నుండి తీసుకోండి" అని వెయిటర్ అనడంతో....అప్పుడు అది విన్న యజమాని వెయిటర్ ని అభినందిస్తూ ఇలా అనడం జరిగింది .... ఈరోజు మనం మన హోటల్ తరపున తను ఫస్ట్ వచ్చినందుకు వీళ్ళకి పార్టీ ఇద్దాం అన్నాడు. ఇది విని వెయిటర్ చాలా ఆనందపడ్డాడు.
హోటల్ సిబ్బంది ఒక టేబుల్‌ను చక్కగా అలంకరించారు. ఎవరైతే హోటల్లో ఉన్నారో వారందరితో పేద అమ్మాయి విజయాన్ని చాలా అద్భుతంగా జరుపుకున్నారు. ఆ యజమాని వాళ్లకి మూడు దోశలు పెట్టడంతో పాటు పొరుగువారికి కూడా స్వీట్స్ పంచమని పెద్ద సంచిలో ప్యాక్ చేసి ఇచ్చాడు.
తమను చాలా గౌరవించి,సత్కరించిన హటల్ యజమానికి, వెయిటర్ కి కన్నీళ్లతో కృతజ్ఞతను తెలిపి అక్కడ నుంచి నిష్క్రమించారు ఆ తండ్రి , కూతుర్లు.
సమయం గడిచిపోయింది (కొన్ని సంవత్సరాల తర్వాత).
ఒకరోజు ఆ అమ్మాయే I.A.S పరీక్షలో ఉత్తీర్ణత సాధించి ఆ నగరానికే కలెక్టర్‌గా వచ్చింది. ఆమె ముందు తన సర్వెంట్ ని అదే హోటల్‌కు పంపించి, కలెక్టర్ గారు అల్పాహారం తీసుకోవడానికి వస్తానని చెప్పమన్నారు అనడంతో హోటల్ యజమాని వెంటనే ఒక టేబుల్‌ను బాగా అలంకరించాడు. ఈ వార్త వినగానే హోటల్ మొత్తం కస్టమర్లతో నిండిపోయింది కలెక్టర్ గారిని చూడటానికి.
అదే అమ్మాయి కలెక్టర్ అయి తల్లిదండ్రులతో కలసి నవ్వుతూ హోటల్ వద్దకు వచ్చింది. అందరూ ఆమెను చూసి గౌరవార్థంగా నిలబడ్డారు. హోటల్ యజమాని ఆమెకు ఒక పూల గుత్తిని సమర్పించగా..వెయిటర్ టిఫిన్ ఆర్డర్ కోసం అభ్యర్థించారు.
కలెక్టర్ గా ఆ హోటల్ కి వచ్చిన ఆమె ఇలా చెప్పింది. మీరిద్దరు నన్ను గుర్తించలేకపోవచ్చు. ఒకప్పుడు నేను,మా తండ్రితో కలసి మీ హోటల్ కి వచ్చినప్పుడు నేను చదువులో మెుదటి ర్యాంకు తెచ్చుకొన్న విషయం మీకు తెలిసి, మా వద్ద తగినంత ధనం లేకున్నా కూడా మీరు సంతోషంతో మాకు అన్ని వడ్డించడమే కాకుండా మా వద్ద నుండి ఒక్క పైసా కూడా తీసుకోకుండా మమ్మల్ని మీరు ఘనంగా సత్కరించడం జరిగింది. ఆనాడు మీరిద్దరు మానవత్వానికి నిజమైన ఉదాహరణగా నిలిచారు.
నేను పాసైనందుకు ఒక అద్భుతమైన పార్టీని ఇచ్చి, మాకే కాకుండా మా పొరుగువారికి కూడా ఇవ్వమని స్వీట్లు ప్యాక్ చేసి ఇచ్చారు. ఈరోజు నేను మీ ఇద్దరి ఆశీస్సుల వల్ల కలెక్టర్ అయ్యాను. మీ ఇద్దరిని నేను ఎప్పుడూ నా జన్మంతా గుర్తుంచుకుంటాను. ఈరోజు ఈ పార్టీ నా తరపున, ఇక్కడ ఉన్న కస్టమర్లందరికీ మరియు మొత్తం హోటల్ సిబ్బందికి బిల్ నేను కడతాను. అలా అని అందరి ముందు హోటల్ యజమానితో పాటు వెయిటర్ని కూడా కలెక్టర్ సత్కరించడం జరిగింది.
నీతి: పేదరికాన్ని ఎగతాళి చేయకుండా, వాళ్ళలో ఉన్న ప్రతిభను గుర్తించి గౌరవించండి. వాళ్ళను ప్రోత్సహించండి. వాళ్ళ విజయానికి, ఎదుగుదలకు అంతే ఉండదు.
